محمد رمضان يطرح أحدث أغانيه «إيه يا قلبي»
كتبت / الاء احمد
طرح الفنان محمد رمضان أحدث أغانيه «إيه يا قلبي»اليوم الاربعاء الموافق 16 من يوليو الجاري، عبر حسابة الرسمي بموقع الفيديوهات “يوتيوب”، وجميع المنصات الموسيقية.
تفاصيل أغنية «إيه يا قلبي»
أغنية «إيه يا قلبي»من كلمات مصطفى حدوته وألحان تاج.
وتقول كلمات الاغنية :
معاكي ببقى بيبي
بس معاهم ببقى عمو
مع كل الناس محمد
ومعاكي انتي ببقى حمو
مع كل الناس محمد
وبقيتي تهمي قلبي اللي مكنش حد هامه
بحل اي حوار بس انتي حوار معرفش حله
إيه يا قلبي .. استني بس رايحة فين
تعالي جنبي .. خليني اقول الكلمتين
إيه يا قلبي .. قسملي قلبي حتتين
آه يا قلبي .. آه يا قلبي .. آه يا قلبي
أنا شكلي وقعت ولا إيه
آه يا قلبي .. اهو ده اللي مش هقدر عليه
آه يا قلبي .. مش شايف حد غيرها ليه ؟
آه يا قلبي .. عاملالي سحر ولا ايه ؟
مع كامل احترامي عايز موعد غرامي
انا لو سرقت قلبك عادي مش هطلع حرامي
مع كامل احترامي انا اتغير نظامي
ولو بعدتي عني هنصور مشهد درامي
آه يا قلبي .. مش شايف حد غيرها ليه ؟
آه يا قلبي .. عاملالي سحر ولا ايه ؟
معاكي ببقى انس .. بس معاهم ببقى جني
كبير مع الكبير لكن معاكي بنسى سني
يدوقوا المر هما وانتي تاخدي الحلو مني
هتيجي ولا لأ عشان في ناس مستنييني
إيه يا قلبي .. استني بس رايحة فين
تعالي جنبي .. خليني اقول الكلمتين
إيه يا قلبي .. قسملي قلبي حتتين
آه يا قلبي .. آه يا قلبي .. آه يا قلبي
أنا شكلي وقعت ولا إيه
آه يا قلبي .. اهو ده اللي مش هقدر عليه
آه يا قلبي .. مش شايف حد غيرها ليه ؟
آه يا قلبي .. عاملالي سحر ولا ايه ؟
آه يا قلبي .. آه يا قلبي .. آه يا قلبي
مش شايف حد غيرها ليه ؟
